Linguistic Codification

Just a personal WordPress.com site; I write about whatever interests me

أول مرة أصوت فى حياتى – قولت لأ

أول مرة فى حياتى أصوت.
أنا كنت بشترى كارت موبايل من كوشك قريب من البيت قبل ما أروح أصوت, و صاحب الكوشك كان بيقوللى روح صوت (مع إنى كنت نازل أصلا أصوت), و ورّانى صباعه, فـ كنت متفائل (أحلى إصتباحة). بعدين كنت نسيت أجيب معايا قلم, فـ روحت كوشك تانى فى سكتى, و بردو كان مصوت.
كنت مبسوط جدا لإن المدرسة اللى كنت رايحها كان فيه إقبال عليها.
عارفين, و أنا مقرب من المدرسة كان فيه ناس رايحة جاية و باين عليهم بيصوتو أو رايحين يصوتو, و اللى مستنى فى العربية الناس اللى معاه تصوت.
دخلت اللجنة, و إستنيت فى الطبور (كان فيه أكتر من طبور فى المدرسة).
إديت البطاقة لواحدة من المسئولين جوا تملا البيانات, و أنا كتبت إسمى زى باقى الناس (إمضا). و أفتكر أنا كنت نمرة 179 فى السجل اللى إتكتب إسمى فيه.
الست إدتنى الورقة, إتأكدت من إنها مختومة و ماعليهاش أى علامة. و إتأكدت إنها عايزانا نقول (أنا أرفض) التعديلات, لاحسن نكون بنقول لأ لعدم تغيير الدستور 😀
روحت عالجنب بتاع الستارة, و إستخبيت وراها و كتبت صوتى, و طبّقت الورقة و حطيتها فى صندوق من صناديق الإقتراع.
ملاحظة, إن الستارة كانت محطوطة بشكل صعب جدا إن الناس تدخل تدارا وراها, و ماكانش فى مساحة الواحد يدخل وراها, و معظم اللى قدامى إكتفو بإنهم يروحو فى الجنب بتاعها و يصوتو من غير ما يستخبو وراها.
كان فيه واحد قبلى خارج من اللجنة بعد ما صوت و ماكانش عايز يحط صباعه فى الفوسفور بحجة إن عنده شغل النهارده (مش النهارده أجازة؟), بس واحدة من الستات اللى كانو مراقبين فى اللجنة أصرت على إنه لازم يحط صباعه فى الفوسفور

أنا لاحظت أن مختلف أشكال الناس راحت تصوت. أنا و كل إخواتى و مامتى صوتنا (بس مانزلناش كلنا مع بعض).
بس, مش فاكر حاجة تانية أكتر 😀
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: